Author Archives: Santa Ghimire

About Santa Ghimire

आफ्नैलागि लेख्दा मैले गीत लेख्न र गाउन थालेको स्कूले जीवनदेखि नै हो तर त्यो बेलाका गीत, गजल र मुक्तक लेखेर बाचन त गरियो तर राख्ने काम गरिएन। अहिले सम्झिदा थक्क लागेर आउँछ। युबाबस्थामामा बिहे गरियो, दुई छोरा छोरी जन्मिए। रचना श्रीजना गर्ने काम बन्द भो। मेरा कविता भने पनि गीत भने पनि ति दुई नानीहरु, दुकान र शिक्षण पेशा बने। आजभन्दा दुई बर्ष अघि श्रीमान सुर्य घिमिरे र मेरो नाममा अमेरिकाको डिभीकोलागि फर्म भरेको, मेरो नाममा डिभी परेछ। अब अमेरिकामा जाने र सुखको जिन्दगी बिताउन सकिने मीठो आशामा हामी यता आउने भयौं। र नेपालमा शिक्षण पेशा, ब्यापार र डिभीमा नाम नहालेकोले नानीहरुलाई चटक्क छोडेर अमेरिका छिरियो। अमेरिका ओर्लेपछि थाहा भो हाम्रो गाउँको शिक्षण पेशा यहाँ काम लाग्दो रहेनछ। स्कूलको हेड्मास्टर मेरा श्रीमान एउटा काममा लागे भने म अर्कै काममा धाउन पर्योट। यहाँ त आफ्नै परिवार, आफन्तजनसंग एक आपसमा भेट हुन पनि गाह्रो कामैले गर्दा। अमेरिकाको मीठो सपना यसरी चकनाचुर भएपछि मेरो बाल्यकालको गीत लेख्ने र मनको बह पोख्ने पुरानो र भर पर्दो माध्यमलाई अँगाल्न पुगें। हुन त मनको बह कसैलाई न कह भन्छन् तर युएस नेपाल अनलाइनका सम्पादक प्रदिप थापा दाईलाई भेटेपछि उहाँलाई केही रचना पढेर सुनाएँ। त्यसपछि न्यू योर्कका नेपाली कार्यक्रममा सुनाएँ। सबले मन पराइदिए। त्यसैबाट हौसिएर बिभिन्न अनलाइन पत्रिकाहरुमा पनि छपाएँ। हुँदा हुँदा अब किताब कै रुपमा छाप्ने भएँ। मनको बेदना र उकुसमुकुसलाई डायरीमा उतारेपनि छापिहाल्ने मेरो कुनै मनशाय थिएन। तर प्रदिप दाईसंगको एक दिनको कुराकानी र उहाँको किताबै छाप्नु पर्छ भन्ने सुझाबकाकारण आज म पाठकहरु सामू यो रचना संग्रह लिएर आएकि छु। पाठक बर्गबाट मेरो यो पहिलो कोशेलीलाई स्नेहपूर्बक स्विकार गरिनेछ भन्ने विश्वाश लिएकिछु। यतिखेर मैले धन्यवादका दुई शब्द खर्चिनै पर्ने भएको छ- सहृदयी मान्यजनहरुको तिरिनसक्नुको गुनकोलागि। न्यू योर्क मै चिनजान हुने मौका मिलेकि युबा साहित्यकार नीलम कार्की "निहारिका" जिको मीठो भूमिकाकालागि म उहाँलाई हार्दिक धन्यवाद दिन चाहन्छु। अन्तरराष्ट्रिय नेपाली साहित्य समाजका केन्द्रिय अध्यक्ष ज्ञानेन्द्र गदाल ज्यू र विश्व नेपाली साहित्य महासंघका केन्द्रिय बरिस्ठ उपाध्यक्ष गोबिन्द गिरी "प्रेरणा" ज्यूसंग कहिल्यै भेट हुने मौका नमिलेपनि उहाँहरुले शिर्फ ईमेल र फोनको भरमा आफ्नो गर्बिलो भूमिका लेखिदिनु भएकोमा म उहाँहरुलाई पनि हार्दिक आभार ब्यक्त गर्दछु। साथै अन्तरराष्ट्रिय नेपाली साहित्य समाजकि केन्द्रिय महासचिब गीता खत्री दिज्यूको स्नेहिलो भूमिका र चर्चित साहित्यकार मणी बाङ्देल दाजूको गर्बिलो सुझाबकालागि पनि हार्दिक धन्यवाद ब्यक्त गर्दछु। उहाँहरु सबैको हौसला र स्नेहलाई म कहिल्यै बिर्सने छैन। मेरा कृतिका आकर्शक आवरण सज्जाकालागि नेपालका युबा चित्रकार एबं नेपाल ललित कला प्रज्ञा प्रतिस्ठानका प्राज्ञ रविन कोइराला ज्यूलाई म हार्दिक आभार ब्यक्त गर्न चाहन्छु। यसक्रममा मेरा केही रचनाहरु प्रकाशन गर्ने नेपाली अनलाइन पोर्टल्सहरु www.usnepalonline.com, www.sahityaghar.com, www.samakalinsahitya.com र www.khasskhass.com तथा यसका सम्पादक ज्युहरुलाई पनि म सम्झिन चाहन्छु। अन्तमा, प्रकाशनको जिम्मा लिने Nepal Connection LLC र कृति बिमोचनको अबसर प्रदान गर्ने US Nepal Media Center परिवारलाई आभार ब्यक्त गर्दछु। नोबेम्बर ५, २०१० न्यू योर्क, युएसए शान्ता घिमिरे (शान्तु माया अधिकारी घिमिरे) Santu Maya Adhikari Ghimire New York, USA